Бу галги суд мажлиси одатдаги суд биносида эмас, балки аҳоли ўртасида – маҳалланинг ўзида ташкил этилди.  

Мақсад эса: ҳуқуқбузарлик содир этган фуқароларни жазолаш билан бирга, қолганларга сабоқ бўлиб, қонунга бўлган ҳурматни янада мустаҳкамлаш.

Мажлис давомида Маъмурий жавобгарлик тўғрисидаги кодекснинг 131, 183, 185 ва 202-моддаларида назарда тутилган ҳуқуқбузарликларни содир қилган 5 нафар шахсга нисбатан жавобгарлик масаласи кўриб чиқилди. Судья ишларни чуқур таҳлил қилиб, ҳар бир ҳуқуқбузарга қилган қилмишига яраша 5 суткадан 15 суткагача маъмурий қамоқ жазоси тайинлади. Шу сайёр суд мажлисига гувоҳ бўлган маҳалла аҳли ҳам ўз кўзи билан кўриб, қонун бузилса, жазо муқаррар эканини англаб етди. Бу каби суд мажлислари жамиятда тартиб ва интизомни таъминлашда муҳим аҳамиятга эга.

Дарҳақиқат, қонун ҳаммамиз учун баробар. Агар ҳар биримиз ўз бурчимиз ва масъулиятимизни билсак, оилада ҳам, маҳаллада ҳам, бутун жамиятда ҳам тинчлик бўлади.