Ёшлар муаммолари ижобий ҳал этилди
Пойтахтимизда Маҳаллаларда ёшлар билан ишлаш масалаларини мувофиқлаштириш бўйича Республика комиссияси раиси Қаҳрамон Қуронбоев ёшлар билан учрашди.
Учрашув давомида ёшлар бандлигини таъминлаш, уларнинг бўш вақтларини мазмунли ташкил этиш, ҳуқуқбузарлик ва жиноятчиликнинг олдини олиш, ёшлар ўртасида соғлом муҳитни яратиш борасида очиқ мулоқот бўлиб ўтди.
Хусусан, ёшларнинг бандлик, таълим, тадбиркорлик ва моддий кўмак ажратиш бўйича мурожаатлари тингланди.
Жумладан, Садоқат Адилова профессионал таълим олишда шартнома маблағини тўлаш учун моддий ёрдам сўради. Унинг муаммоси ижобий ҳал этилиб, ноутбук совға қилинди. Жамшид Маҳкамов ва Жасур Қодировнинг эса тадбиркорлик фаолияти учун асбоб-ускуна харид қилиш бўйича қилган мурожаатлари ижобий ҳал этилди.
Шунингдек, ёшлар томонидан берилган саволлар ва уларни қийнаб келаётган муаммолар юзасидан тегишли чора-тадбирлар белгилаб олинди.