Халқ вакилларининг ҳудудлардаги учрашувлари давом этмоқда
Қонунчилик палатаси Спикерининг ўринбосари Одилжон Тожиев, Қонунчилик палатаси депутати Жамшид Қосимов Қашқадарё вилояти Қамаши туманида бўлиб, томорқадан самарали фойдаланишни ташкил этиш орқали аҳоли бандлигини таъминлаш борасидаги ишларни ўрганди.
Сарбозор, Қўшкапа ва Қорабоғ маҳаллаларидаги ўрганишлар давомида аҳоли вакиллари билан ҳам мулоқотлар ўтказилди. Фуқароларнинг мурожаатлари тингланди.
Шунингдек, бир қатор қонун ҳужжатлари ҳамда «Ёқилғи-энергетика соҳасида бозор механизмларини жорий этишнинг қўшимча чора-тадбирлари тўғрисида»ги Ҳукумат қарорининг мазмун-моҳияти тўғрисида батафсил маълумотлар берилди. Мазкур масалалар юзасидан фуқароларнинг саволларига жавоб қайтарилди.