Зомин, Янгиобод ҳамда Зарбдор туманлари аҳолиси иштирок этган мулоқотда йўл белгилари ўрнатиш, ID karta расмийлаштириш, ўғирлик, фирибгарлик ва товламачиликка оид мурожаатлар масъуллар иштирокида кўрилди.  

Сайёр қабул давомида бир неча фуқаро хизмат вазифаларига виждонан ёндашиб, содир этилган жиноятларни фош этган ички ишлар органлари ходимларига миннатдорлик билдирди. Мулоқот давомида кўтарилган 30 га яқин масаланинг аксарияти жойида ҳал этилди. Ижроси вақт талаб этиладиган мурожаатларни ечиш борасида мутасаддиларга аниқ вазифалар юклатилиб,  ижроси назоратга олинди.  

Тадбир сўнггида фуқаролиги бўлмаган шахсларга Ўзбекистон фуқаролиги берилгани учун уларга ID kartaлар топширилди.  

ИИБ бошлиғи, генерал-майор Ғ.Қодиров “Яшил макон” умуммиллий лойиҳаси доирасида Зомин тумани ИИБ ходимлари томонидан “Мустақиллик” МФЙ ҳудудида барпо этилаётган 2 гектарлик боғда кузги кўчат экиш ҳашарида иштирок этди.  

Шу куни янги боққа туман ИИБда хизмат қилаётган барча ходимлар фаоллик кўрсатиб, 2 минг 200 туп бодом, тут, арча, терак каби мевали ва манзарали кўчатлар экди.