Маълумки, жорий йил бошидан буён ҳуқуқий кўмакка муҳтож бўлган фуқароларнинг мурожаатларига қулоқ тутиш мақсадида Юнусобод, Яшнобод,  Мирзо Улуғбек туманларида сайёр қабуллар ўтказилди. Галдаги сайёр қабул эса Бектемир туман аҳолиси учун бўлиб ўтди.  

Қабулда жами 37 нафар фуқаро қабул қилинди. Қабул қилинган фуқароларнинг 18 нафари жиноят ишлари бўйича, 18 нафари фуқаролик ишлар бўйича, 1 нафари иқтисодий ишлар бўйича судларга оид мурожаатларни ташкил этади. Шундан 26 нафар фуқаронинг оғзаки мурожаати, 11 нафар фуқаронинг ёзма мурожаатлари қабул қилинди.  

Жами 37 та мурожаатдан 26 таси бўйича ҳуқуқий тушунтиришлар берилди. 11 та мурожаат жойида ижобий ҳал этилиб, мурожаатлар қаноатлантирилди.  

Шунингдек, сайёр қабул доирасида сайёр суд ҳам бўлиб ўтди. Жиноят ишлари бўйича Бектемир туман суди томонидан 5 нафар шахс жазони ўташдан муддатидан олдин озод қилинди.  

Хусусан, транспорт воситалари ҳаракати ёки улардан фойдаланиш хавфсизлиги қоидаларини бузиш жиноятини содир қилган шахсга 1 йил муддатга муайян ҳуқуқдан, яъни транспорт воситаларини бошқариш ҳуқуқидан маҳрум қилинган ҳолда, иш ҳақининг 15 фоизини давлат даромади ҳисобига ушлаб қолган ҳолда 3 йил ахлоқ тузатиш ишлари жазоси тайинланган эди.     

Таъкидлаш жоиз, муддатидан аввал шартли равишда озод қилинган маҳкумлар жазонинг ўталмаган қисми мобайнида қасддан янги жиноят содир этган тақдирда уларга нисбатан суд Жиноят кодексининг 60-моддасида назарда тутилган қоидаларга мувофиқ жазо тайинлаши мумкин.