Mustaqillik yosh avlodning chuqur ta’lim olib, o‘z salohiyatini keng namoyish etishi, ilm-fan, madaniyat, san’at, sport kabi yo‘nalishlarda dunyo yoshlari bilan bellashib, mamlakatimiz dovrug‘ini jahonga yanada kengroq yoyishi, biznesini yo‘lga qo‘yib, muvaffaqiyatlarga erishishi, o‘zi tanlagan kasbda Vatan, millat va xalq farovonligi uchun xizmat qilishiga qulay muhit yaratdi –dedi tuman rahbari.

Endilikda sizlar bu imkoniyatlardan oqilona foydalanib, Yangi O‘zbekiston bunyodkorlarining eng faol, eng tashabbuskor ishtirokchisi bo‘lishingiz lozim. Bu yo‘lda to‘siq va muammolarga duch kelsangiz, qo‘limizdan kelgan barcha yordamni ayamaymiz. Tumandagi muassasa, tashkilot va korxonalar rahbarlari ham ishtirok etgan ochiq muloqotda yigit-qizlar qator taklif va tavsiyalarni bildirdi. Muhim masalalarni o‘rtaga tashlab, ish bilan ta’minlash, imtiyozli kredit olish, oliy ta’limdagi kontrakt to‘lovlariga ko‘maklashish kabi muhim masalalarni aytdi.

 O‘zlarini qiziqtirgan savollarga javob oldi. Uchrashuvda yoshlar o‘rtaga tashlagan muammolarni yechish yuzasidan mutasaddilarga tegishli topshiriqlar berilib, vaqt talab etadigan masalalarga aniq muddat belgilandi. Ijrosi qatiy nazoratga olindi.