Tadbirda institutning professor-o‘qituvchilari va talaba- yoshlar ishtirok etdi.

Uchrashuvda yoshlar bilan muloqot qilish, ularning kasbiy rivojlanish va ijtimoiy faolliklarini oshirishga qaratilgan dasturlar haqida so‘z yuritildi. 

Senator yoshlarga mamlakatda olib borilayotgan islohotlar, ta’lim tizimidagi o‘zgarishlar va yoshlar uchun yaratilgan yangi imkoniyatlar haqida batafsil ma’lumot berdi.Yoshlar uchun qo‘llab-quvvatlovchi dasturlar va yangi imkoniyatlar yaratilayotganini alohida ta’kidladi. Yoshlarning bilim olishi, kasbiy sohada rivojlanishi va ijtimoiy faolligi ushbu ishlarning asosiy yo‘nalishlaridan hisoblanadi.

– Uchrashuvda talaba-yoshlar senatorga o‘zlarini qiziqtirgan savollarni berish imkoniyatiga ega bo‘ldilar,–deydi filial direktorining birinchi o‘rinbosari Otabek Abdug‘aniyev.– Muloqot davomida yoshlar kasbiy rivojlanish, ta’lim tizimidagi o‘zgarishlar va yoshlarga yaratilayotgan imkoniyatlar haqida savollar berishdi. Senator har bir savolga javob berib, yoshlarga o‘zlari uchun katta maqsadlar qo‘yib, ularga erishish yo‘lida qat’iy harakat qilishni tavsiya qildi.