Ёшлар етакчиси – маҳалла ислоҳотчиси
Сирдарё вилояти Боёвут туманида томорқадан унумли фойдаланиш истиқболлари юзасидан амалий семинар ўтказилди.
Ёшлар ишлари бошқармаси томонидан туман секторлари раҳбарлари ҳамда ёшлар етакчилари иштирокида ўтказилган семинарда Гулбоғ маҳалласи ёшлар етакчисининг хонадонида намуна сифатида ўрганилди.
Тадбирда ёшлар даромадини ошириш бўйича ҳамда хонадонларда эрта баҳорги, такрорий экинлар ҳамда тўқсонбости усулида сабзавот, картошка ва дуккакли экинлар етиштиришни йўлга қўймоқчи бўлган ёшларга “Сайхунобод тажрибаси” асосида керакли тушунчалар берилди.
Ёшлар ўзларини қизиқтирган барча саволларга мутахассислардан тегишли жавоб олди.