Аҳиллик маҳалласи ёшлари хурсанд
Ёшларнинг бўш вақтини мазмунли ташкил этиш мақсадида Сирдарё туманининг Аҳиллик маҳалласида замонавий универсал спорт майдончаси қурилиб, фойдаланишга топширилди.
Спорт майдончанинг очилиш маросимида туман спорт бўлими, "Нуроний" жамғармаси туман бўлими мутасаддилари, маҳалла фаоллари ва спортчилар қатнашиб, бу спорт майдончаси, насиб бўлса, ушбу маҳалла ёшлари орасидан ҳам чемпионлар чиқишига хизмат қилишини айтишди.
Шундан сўнг, маҳалла ёшларидан ташкил топган жамоалар ўртасида мини футбол бўйича ўртоқлик учрашуви ўтказилди.