Қабулда Навбаҳор ва Кармана туманлари ҳамда Навоий шаҳридан жами 150 нафарга яқин аҳоли вакиллари иштирок этиб, вилоят раҳбарига ўз муаммолари бўйича мурожаат қилдилар. 

Тадбирда корхона ва ташкилотлар, ҳудудий бошқарма ва муассасалар ҳамда сектор раҳбарлари тегишлилига кўра мурожаатлар ечимини бўйича вазифа ва топшириқлар олдилар. 

Сайёр қабулда бандлик, йўл таъмири, соғликни тиклаш, моддий ёрдан ва имтиёзли кредит ажратилиши каби масалалар бўйича жами 120 тадан зиёд мурожаат тингланиб, уларнинг 50 фоизидан кўпроғининг ечими ўз жойида таъминланишига эришилди. 

– Ўтган сайёр қабулда ўзим ва турмуш ўртоғимнинг бандлигини таъминлашга кўмак сўраб мурожаат қилган эдим, – дейди Кармана тумани «Шибзон» маҳалласида истиқомат қилувчи Дилдора Норбўтаева. – Вилоят раҳбари масъулларга оилавий аҳволимизни ўрганиш ва иш билан таъминлаш бўйича топшириқ берганди. Айтилган муддатда иккаламиз ҳам «Навоий иссиқлик электр станцияси» АЖга ишга қабул қилиндик. Очиғи, муаммомиз бунчалик тез ҳал бўлишини кутмагандим, ҳозир иккаламиз ҳам ишлаймиз, бунинг учун давлатимиз ва вилоятимиз раҳбариятига катта раҳмат. 

Сайёр қабулда ечими муддат ва маблағ талаб қиладиган мурожаатлар бўйича ҳам зарур чоралар белгиланиб, шахсан вилоят раҳбарининг назоратига олинди, дея хабар беради Навоий вилояти ҳокимлиги  ахборот хизмати.