Ushbu tibbiyot muassasasi 230 o‘ringa mo‘ljallangan bo‘lib, aholiga sifatli tibbiy xizmat ko‘rsatib kelmoqda.  

Shahar hokimi tug‘uruq kompleksi atrofida joylashgan tadbirkorlik sub’ektlari binolarini ko‘rkam holatda rivojlantirish zarurligini ta’kidladi. Shuningdek, tadbirkorlarga qulay shart-sharoitlar yaratish bo‘yicha aniq tavsiyalar berildi.

Kuz-qish mavsumida tug‘uruq kompleksida isitish tizimlarining barqaror ishlashini ta’minlash muhimligi haqida tushuntirishlar o‘tkazildi va bu yo‘nalishda zarur chora-tadbirlarni amalga oshirish bo‘yicha mutasaddilarga topshiriqlar berildi. Shu bilan birga, fuqarolarga yanada qulay sharoitlar yaratish maqsadida qo‘shimcha joylarni tashkil etish, kirish yo‘llarini ta’mirlash hamda boshqa infratuzilmani yaxshilash lozimligi qayd etildi.  

Shu kuni shahar hokimi Yangi yo‘l mahallasi fuqarolari bilan muloqot o‘tkazdi. Muloqot davomida o‘zini o‘zi band qilish uchun ajratilayotgan imtiyozlar, tadbirkorlar uchun yaratilayotgan imkoniyatlar haqida tushuntirishlar berildi. Shuningdek, mahalla fuqarolari tomonidan ko‘tarilgan bir qator masalalarni hal etish bo‘yicha mutasaddilarga tegishli topshiriqlar berildi.  

Ushbu mahalla fuqarosi Akmal Dadaxonovning xonadonda bir necha kun avval ko‘ngilsiz hodisa ro‘y bergan edi. Falokat oqibatida uyning barcha xonalari va jihozlari yonib ketgan. Mas’ullar jabrlangan xonadonda bo‘lib, zararni bartaraf etish va oilaning yashashi uchun tez fursatda qulay sharoitlarni yaratish bo‘yicha amaliy ishga kirishdi.