Yangi Namangan tumanida bo‘lib o‘tgan sayyor qabul jarayonida 230 nafardan ziyod yurtdoshimiz viloyat rahbari bilan yuzma-yuz uchrashib, o‘zlarini qiynayotgan muammolarini bildirdi.  

Qariyb 8 soat davom etgan qabulda viloyat hokimi fuqarolardan kelib tushgan murojaatlarning har birini batafsil tinglab, yechimi bo‘yicha mutasaddi idoralar rahbarlariga topshiriq va ko‘rsatmalar berdi.  

– Yangiqo‘rg‘on tumani Navkent mahallasidan keldim, - deydi murojaatchilardan biri Valijon Isoqov. – Mahallamizda suv muammosini hal etish uchun buloqlar ko‘zini ochish masalasida ko‘mak so‘radim. Viloyat rahbari murojaatim yuzasidan mutasaddilarga topshiriqlar berdi. Tez orada suv ta’minoti yaxshilanadigan bo‘ldi. Shuningdek, qabul jarayonida hududimizda maktabgacha ta’lim tashkiloti binosi qurish bo‘yicha ham taklif kiritdim. Ushbu masala ham o‘rganib chiqish uchun mutasaddilarga topshirildi.