Xususan, Chilonzor tumani "Ko‘tarma” MFYda “Obod xonadon”, “Obod ko‘cha” va “Obod mahalla” mezonini joriy etish doirasida Toshkent shahar hokimi o‘rinbosari – Oila va xotin-qizlar boshqarmasi boshlig‘i N.Umarova hamda mutasaddi tashkilotlar rahbarlari ishtirokida tumanda yashovchi aholi, xususan xotin-qizlarning murojaatlarini ko‘rib chiqish uchun navbatdagi sayyor qabul o‘tkazildi. 

Qabul davomida aholi tomonidan davolanish uchun moddiy yordam, shifoxonaga bepul yo‘llanma, uy-joy ta’miri uchun mablag‘ olish hamda o‘zini-o‘zi band qilish istagida bo‘lgan fuqarolar murojaatlari ko‘rib chiqildi. 

Shuningdek, fuqarolarni qiynab kelayotgan boshqa bir qator muammolar atroflicha o‘rganildi. 

Barcha murojaatlar qonun doirasida o‘rganib chiqilib, 7 nafar murojaatchining muammolari joyida hal qilindi. Qolgan murojaatlar yuzasidan soha mutaxassislariga tegishli ko‘rsatmalar berildi.