“Nurli maskan” yashil maskanga aylanmoqda
![News Image](https://pm.gov.uz/uploads/5d56f883-2909-f664-2ee9-051949658da4_news_.jpg)
Shu kunlarda “Yashil makon” umummilliy loyihasi doirasida hududlarda mevali va manzarali ko‘chat ekish ishlari davom etmoqda. Buning natijasida katta yo‘l yoqalari, bo‘sh turgan yerlar bog‘-rog‘larga aylanmoqda.
Bugun “Yashil makon” umummilliy loyihasi doirasida barcha ta’lim tashkilotlari vakillari ham qalb amri bilan ishtirok etib, bir donadan bo‘lsa-da, nihol ekishga harakat qilmoqda. Jumladan, Sirdaryo viloyatining Guliston tumanida joylashgan “Nurli maskan” maktab-internatida ham loyiha doirasida ko‘chat ekish ishlari amalga oshirildi. Unda viloyat Maktabgacha va maktab ta’limi tizimi xodimlari, ushbu maktab jamoasi va ishchi xodimlar ishtirok etdi.
–“Yashil makon” umummilliy loyihada faol ishtirok etaylik” shiori ostida o‘tkazilgan aksiya doirasida muassasamiz hududiga jamoamiz bilan 300 dan ortiq manzarali va mevali nihollar, xususan, qora qarag‘ay, eman, qayrag‘och, bodom, o‘rik, olxo‘ri, gilos ko‘chatlari o‘tqazdik – deydi” Nurli maskan maktab-internati direktori Nigora Balikova. – Kelgusida ham bunday ishlarda yanada faol ishtirok etishni o‘z oldimizga maqsad qilib qo‘ydik.